Памёр Сяргей Барысенка, стваральнік легендарнага відэасалона ў Сянне
Пайшоў з жыцця самы апантаны кінамеханік Беларусі, які з савецкіх часоў адзін падтрымліваў працу аўтэнтычнага відэасалона ў невялікім райцэнтры. Сяргей Барысенка да апошняга марыў пра стварэнне музея кіно.
Восенню мінулага года Onlíner расказваў пра ўнікальны відэасалон, які працуе ў невялікім горадзе Сянно яшчэ з савецкіх часоў. Яго сваімі рукамі стварыў і падтрымліваў на працягу 35 гадоў кінамеханік Сяргей Барысенка. 24 студзеня Сяргея Андрэевіча не стала, піша выданне.
Калі ў лістападзе ён прымаў журналістаў у гасцях, то з энтузіязмам расказваў пра справу свайго жыцця, бадзёра дзяліўся планамі стварэння музея кіно, разважаў пра магчымасць адкрыць у відэасалоне яшчэ адну залу…
Смерць Сяргея Андрэевіча ад цяжкай хваробы пацвердзіў выданню яго блізкі сябар:
— Сяргея не стала 24 студзеня. Пра яго хваробу ведалі толькі самыя блізкія. Вы калі да яго прыязджалі, то бачылі ўжо моцна схуднелым, а ён жа заўсёды быў здаровы дзяцюк, майстар на ўсе рукі. У апошнія месяцы ён ужо рыхтаваўся, раздаваў усім указанні, завяршаў справы. Хацеў паспець дабудаваць другі дом, каб пакінуць яго дачцэ, але не паспеў…
Што будзе далей з легендарным відэасалонам, невядома. Самаробныя залы зараз знаходзяцца пад кіраваннем райвыканкама.
Пасля публікацыі інтэрв'ю з Сяргеем Андрэевічам журналісты атрымалі сотні цёплых водгукаў як ад жыхароў Сянно, якія ведалі і любілі гарадскога «ахоўніка кіно» з дзяцінства, так і ад іншых беларусаў.
«З савецкага часу я хварэю на гэта: гэта гісторыя, гэта ўсё маё жыццё. Ні разу не было такога, каб сеанс у мяне «прапаў», калі людзі чакаюць. Кіно павінна адбыцца пры любым надвор'і. А як інакш?» — казаў тады Сяргей Барысенка.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары