Урад Беларусі прыняў пастанову №67 ад 24 студзеня 2014 года, сутнасць якой зводзіцца да нацыяналізацыі ААТ «Баранавічыдрэў».
«Прыняць бязвыплатна ў 2014 годзе ў рэспубліканскую ўласнасць 5810 простых (звычайных) акцый ААТ «Баранавічыдрэў», якія знаходзяцца ў гаспадарчым распараджэнні вытворча-гандлёвага прыватнага ўнітарнага прадпрыемства «Іван», і 16 876 простых (звычайных) акцый названага ААТ, якія знаходзяцца ва ўласнасці закрытага акцыянернага таварыства «Белцяжмаш», намінальнай цаной 1600 рублёў на агульную суму 36 297 600 рублёў», — гаворыцца ў дакуменце.
Фактычна гаворка ідзе аб бязвыплатнай перадачы ва ўласнасць дзяржавы 35,1% статутнага фонду «Баранавічыдрэва». Улічваючы, што 48% акцый прадпрыемства і так знаходзіцца ва ўласнасці дзяржавы ў асобе Мінбудархітэктуры, то дзяржава атрымлівае поўны кантроль над прадпрыемствам.
Астатнія 16 з лішнім адсоткаў акцый знаходзяцца ва ўласнасці фізічных асоб.
У пастанове Саўміна адсутнічаюць указанні на прычыны бязвыплатнай канфіскацыі акцый у цяперашніх уладальнікаў, аднак дадзенае рашэнне ўладаў цалкам адпавядае тэндэнцыям па аднаўленні «уладальніцкай справядлівасці».
Ва Украіне загінула 24-гадовая беларуская добраахвотніца Марыя Зайцава20
Каментары