Назвы станцый у метро з 20 красавіка будуць абвяшчаць па-беларуску і па-англійску
Назвы станцый у мінскім метро з 20 красавіка будуць аб'яўляць на беларускай і англійскай мовах. Пра гэта карэспандэнту БелТА паведаміў начальнік КУП «Мінскі метрапалітэн» Расціслаў Юрэня.
У сувязі з правядзеннем у беларускай сталіцы чэмпіянату свету па хакеі ў працы метрапалітэна плануецца ўвядзенне новых рэчаў.
«Увесь блок моўных аб'яваў у вагонах і на станцыях будзе дублявацца на англійскай мове, у тым ліку назвы станцый. Запіс ўжо праведзены, засталося яго загрузіць у інфарматары. Гэтая сістэма будзе запушчана з 20 красавіка», — адзначыў Расціслаў Юрэня.
«Кантралёрам і касірам выдалі 200 расійска-англійскіх і англа- расійскіх размоўнікаў, для таго каб яны змаглі хаця б на базавым узроўні кантактаваць з замежнымі гасцямі. Акрамя таго, плануецца прыцягнуць студэнтаў Мінскага дзяржаўнага лінгвістычнага універсітэта, існуе папярэдняя дамоўленасць. Яны будуць дзяжурыць каля кантралёраў, для таго каб дапамагчы ўдзельнікам і заўзятарам чэмпіянату зарыентавацца ў незнаёмым горадзе», — распавёў Расціслаў Юрэня.
-
Стала вядома, якога святара-стараабрадца затрымалі ў Пастаўскім раёне
-
Хлопец з-пад Шаркаўшчыны пакінуў у спакоі сантэхніку — якую раней метадычна краў, — пайшоў у аўтаматчыкі і ўрэшце згінуў пад Купянскам
-
Грамадзяніну Літвы, што ладзіў у Пастаўскім раёне стараверскія богаслужэнні, пагражае дэпартацыя
Каментары