Кардыяхірургічны цэнтр Растоўскай абласной клінічнай бальніцы абверг журналістам «Южного Федерального» інфармацыю пра тое, што сёння ноччу там памёр былы украінскі прэзідэнт Віктар Януковіч. Таксама супрацоўнікі кардыяхірургічнага цэнтра адмаўляюць сам факт яго паступлення ў цэнтр.
Журналістам удалося датэлефанавацца і да Міністэрства аховы здароўя Растоўскай вобласці, якое на дадзены момант не мае інфармацыі аб шпіталізацыі і раптоўнай смерці Віктара Януковіча.
Інфармацыю пра тое, што Януковіч памёр у растоўскім кардыяцэнтры, паведаміў сёння ўначы ў сваім Фэйсбуку актывіст Еўрамайдана Міхаіл Лебедзь. Спасылаючыся на свайго сябра ў шпіталі, ён напісаў, што Януковіча прывезлі туды 3 сакавіка каля 23-й гадзіны з сардэчным прыступам.
Каментары