У гэтым годзе адэсіты не будуць святкаваць Гумарыну ў сувязі са складанай сітуацыяй у краіне.
Як паведамілі ў Дэпартаменце інфармацыі і сувязяў з грамадскасцю Адэскай гарадской рады, 6 сакавіка ў мэрыі прайшла пагаджальная рада, на якой прысутнічалі прадстаўнікі ўсіх дэпутацкіх фракцый і груп, прадстаўленых у гарадской радзе.
«Дэпутаты аднагалосна вырашылі, што ў сувязі са складанай абстаноўкай у краіне, святкаванне гумарыны не будзе праводзіцца як агульнагарадское мерапрыемства. Аднак творчыя калектывы, грамадскія арганізацыі, адэсіты і госці горада, якія выказалі жаданне адсвяткаваць 1 красавіка, змогуць правесці свае акцыі», — паведамілі ў дэпартаменце.
Першая Гумарына ў Адэсе адбылася ў 1973 годзе. У 1976 годзе яе забаранілі ўлады Украіны і Адэсы. Аднавілася Свята смеху ў канцы 1980-х.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні

Каментары