Падазраваныя ў шпіянажы займаліся распрацоўцай аб’ектаў польскага войска.
Агенцтва ўнутранай бяспекі Польшчы затрымала дзве асобы, якія падазраюцца ў шпіянажы. Паводле неафіцыйнай інфармацыі, гэта беларусы, якія працавалі на карысьць Расіі, паведамляе Gazeta Wyborcza.
Дэпутатам з парламенцкай спецкамісіі было пра гэта паведамлена на нетыповым пасяджэнні — у сядзібе Службы вайсковай разведкі, а не ў Сейме, як гэта звычайна бывае.
Падазраваныя ў шпіянажы, быццам бы, займаліся распрацоўкай аб’ектаў польскага войска. Рашэнне пра іх затрыманьне было прынятае пасля таго, як яны павялічылі сваю актыўнасць у сувязі з падзеямі ва Украіне, сцвярджае Wyborcza.
Кампетэнтныя органы Беларусі пакуль не каментуюць інфармацыю.
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу11
Каментары