Улады ЗША без папярэджання ўвялі новыя гандлёвыя санкцыі супраць Расеі, паведамляе часопіс Foreign Policy. У ЗША спынена выдача дазволу на пастаўку ў Расію патэнцыйна небяспечных прадметаў і рэчываў.
Як адзначае выданне, каля месяца таму падраздзяленне амерыканскага Міністэрства гандлю — Бюро прамысловасці і бяспекі — перастала выдаваць дазвол на пастаўку ў Расію патэнцыйна небяспечных прадметаў і рэчываў, у прыватнасці лазераў і выбуховых рэчываў.
Адмовы ў выдачы дазволаў пачаліся з 1 сакавіка 2014 года, аднак да гэтага часу ведамства публічна пра іх не абвяшчала.
Бюро прамысловасці і бяспекі ў 2013 годзе ўхваліла 1 тыс. 832 экспартных кантрактаў з Расіяй. Гадавы аб'ём здзелак складаў да $1,5 млрд у год. Большасць тавараў, якія пастаўляліся ў Расію, апісваліся фармулёўкай «прызначаныя для выпуску энергетычнага разраду». Акрамя таго, прыпынены экспарт у Расію тавараў і паслуг у сферы абароны.
Названыя санкцыі не здольныя нанесці вялікі ўрон Расіі, паколькі не адмяняюць ужо існуючыя кантракты, а толькі перашкаджаюць заключэнню новых. Акрамя таго, Масква можа знайсці новых пастаўшчыкоў, размешчаных за межамі ЗША. Аднак амерыканскім кампаніям можа быць нанесены значны фінансавы ўрон.
У спіс тавараў, для экспарту якіх неабходна адабрэнне Бюро прамысловасці і бяспекі, уваходзяць розныя хімікаты, праграмнае забеспячэнне і зброя.
Нагадаем, раней прэзідэнт ЗША Барак Абама падпісаў указ, які дае права ўвесці санкцыі ў дачыненні да асноўных сектараў эканомікі Расіі. Таксама ён абвясціў пашырэнне спісу асоб, у дачыненні да якіх ЗША ўводзяць абмежавальныя меры — гэты спіс закранае два дзесяткі чалавек. У той жа час, у МЗС РФ заявілі аб увядзенні у адказ санкцый у дачыненні да чыноўнікаў і заканадаўцаў ЗША.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары