Трохгадовы хлопчык, якога бацька выкраў у маці ў Севераморску Мурманскай вобласці, быў вывезены ў Беларусь.
Цяпер ён знаходзіцца ў прадстаўнікоў органаў апекі. Як паведаміла прадстаўнік СУСК па Мурманскай вобласці Таццяна Кавалёва, бацькі хлопчыка развяліся, бацька меў права бачыцца з дзіцем два разы на тыдзень. 4 красавіка абое бацькоў з дзіцем знаходзіліся ў кавярні ў Севераморску. Прыдумаўшы нагоду, бацька вывеў хлопчыка з кавярні і павёз у невядомым кірунку. Да пошукаў дзіцяці падключыліся праваахоўныя органы, была заведзеная крымінальная справа. Мужчыну аб'явілі ў федэральны вышук.
«Была атрыманая інфармацыя, што хлопчыка маглі вывезці ў Беларусь, яна пацвердзілася. Дзіця знойдзенае ў Беларусі, яго месцазнаходжанне высветленае, ён знаходзіцца ў прадстаўнікоў органаў апекі», — паведаміла Кавалёва. Паводле яе словаў, вырашаецца пытанне аб вяртанні хлопчыка ў Мурманск.
Паводле інфармацыі ўпаўнаважанага па правах дзіцяці ў Мурманскай вобласці Барыса Когана, месцазнаходжанне дзіцяці высветлілі сваякі і паведамілі беларускі адрас амбудсмену. «Я адразу звярнуўся ў сельскі выканкам і органы апекі. Яны прыехалі па адрасе і ўбачылі хлопчыка. Беларускі бок паставіўся да гэтага з увагай, вельмі дапамог», — сказаў Коган.
Паводле яго словаў, дзіця перанесла стрэс, яго фізічны і псіхалагічны стан выклікае трывогу ў супрацоўнікаў органаў апекі. «Яны абяцалі аказаць неабходную дапамогу. Акрамя таго, мама хлопчыка збіраецца вылецець па яго», — дадаў Коган.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары