Былы супрацоўнік амерыканскіх спецслужбаў Эдвард Сноўдэн адправіў афіцыйны запыт уладам Бразіліі аб прадастаўленні яму прытулку Пра гэта ў панядзелак, 2 чэрвеня, паведамляе Agence France-Press.
У інтэрв'ю бразільскаму тэлеканалу Globo Сноўдэн распавёў, што гатовы пераехаць з Расіі ў Бразілію, калі будзе магчымасць. «Тэрмін прадастаўлення мне прытулку тут заканчваецца ў пачатку жніўня. Калі Бразілія прапануе мне прытулак, то я з радасцю вазьму гэтую прапанову», — сказаў ён.
Сноўдэн дадаў, што «ніколі не збіраўся адправіцца жыць у Расію», а «ляцеў у Лацінскую Амерыку, у Эквадор», але перапыніў падарожжа, бо яго пашпарт анулявалі амерыканскія ўлады.
Ён таксама запэўніў, што ніколі не прапаноўваў перадаць сакрэтныя дакументы ў абмен на прадастаўленне прытулку ў якой бы там ні было краіне.
МЗС Бразіліі сцвярджае, што пакуль не атрымаў афіцыйнага запыту ад былога супрацоўніка ЦРУ і Агенцтва нацыянальнай бяспекі, адзначае AFP.
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны3
Каментары