З 13 чэрвеня БЧ арганізуе бесперасадачныя зносіны Мінск — Гомель — Адлер
Беларуская чыгунка з 13 чэрвеня арганізуе бесперасадачныя зносіны Мінск — Гомель — Адлер, паведамілі ў прэс-службе БЧ.
Прызначана бесперасадачная група вагонаў у складзе цягніка № 676 Мінск — Гомель, якая будзе адпраўляцца са сталіцы праз дзень па няцотных датах і прычапляцца ў Гомелі да цягніка № 376 Гомель — Адлер. У зваротным напрамку бесперасадачныя вагоны прызначаны ў складзе цягнікоў № 375 Адлер — Гомель і № 675 Гомель — Мінск.
Бесперасадачныя вагоны будуць рухацца па тэрыторыі Беларусі і Расіі.
Час іх адпраўлення са станцыі Мінск-Пасажырскі — 9.50, прыбыцця ў Адлер — па няцотных днях у 11.46. У зваротным напрамку бесперасадачныя вагоны будуць адпраўляцца з Адлера ў 16.29 і прыбываць у сталіцу Беларусі ў 17.59.
Каментары