Альбо прыбраць з Канстытуцыі права беларусаў на бясплатную адукацыю.
Сёлета супраць студэнтаў, якія не даехалі па разьмеркаваньні, завялі 65 крымінальных спраў. Сумы не малыя — ад трох да пяці тысяч даляраў. Юрысты зь Беларускага хэльсынскага камітэтут зьвярнуліся ў Канстытуцыйны суд.
— Мы хочам ведаць. наколькі норма пра абавязковае разьмеркаваньне адпавядае беларускай Канстытуцыі, — патлумачылі ў БХК.
Аргумэнты праваабаронцаў выглядаюць лягічнымі:
— У Канстытуцыі запісана, што ў Беларусі можна атрымліваць вышэйшую адукацыю бясплатна. Але калі ты мусіш выплаціць дзяржаве грошы, альбо адпрацаваць па разьмеркаваньні, гэта ўжо не бясплатная адукацыя! Атрымліваецца, трэба або мяняць Канстытуцыю й прыбіраць гэтае права, альбо прыбіраць норму пра абвязковае разьмеркаваньне.
Апроч таго, юрысты называюць беларускае разьмеркаваньне формай прымусовай працы. А Беларусь жа падпісала Канвэнцыю міжнароднай арганізацыі працы «Пра скасаваньне прымусовай працы». Вынікае, што мы яе парушаем?
Зварот падалі ў Канстытуцыйны суд 12 лістапада, у панядзелак. Цягам месяцу праваабаронцы чакаюць адказу.
Дзе яшчэ ёсьць разьмеркаваньне?
Па суседзтве краін з абавязковым разьмеркаваньнем няма. У Польшчы, Літве, Латвіі такой практыкі не назіраецца. У Расеі, Украіне разьмяркоўваюць выпускнікоў спэцыялізаваных унівэрсытэтаў, якія падпарадкоўваюцца МУС, ФСБ, МНС… То бо тых ВНУ, дзе рыхтуюць спэцыялістаў на замову, і яны адразу ведаюць, на што і куды ідуць вучыцца.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»2
Каментары