Прэм'ер-міністр Расіі Дзмітрый Мядзведзеў заявіў, што шанцы зборнай Расіі на выхад у плэй-оф чэмпіянату свету па футболе залежаць ад «раскладу на нябёсах».
«Цяпер галоўнае, каб на нябёсах такі расклад склаўся, каб мы маглі ўсё ж такі хоць нейкія шанцы выкарыстаць», — сказаў сёння прэм'ер Расіі на сустрэчы з актывам «Адзінай Расіі».
Між тым, адзін з «адзінаросаў» паскардзіўся Мядзведзеву, што 18 чэрвеня замест гімна Расіі перад гульнёй зборнай была ўключана камерцыйная рэклама. Мядзведзеў назваў недапушчальным, калі падчас гучання нацыянальнага гімна ў ходзе трансляцыі матчаў чэмпіянату свету ўключаецца камерцыйная рэклама.
«Падчас гімна рэкламу ўключаць не трэба», - сказаў ён.
Зборная Расіі правяла дзве гульні: згуляла ўнічыю з камандай Паўднёвай Карэі (1:1) і прайграла бельгійцам (0:1). У заключным туры ў чацвер Расія згуляе з Алжырам.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе9
Каментары