Цяперашнія перамовы з Расіяй накіраваны на дасягненне міру ва Украіне, але аб паўнавартаснай нармалізацыі адносін з Расіяй казаць пакуль не даводзіцца, улічваючы сітуацыю з Крымам.
Пра гэта заявіў прэзідэнт Украіны Пятро Парашэнка на сесіі Парламенцкай Асамблеі Рады Еўропы (ПАРЕ) у Страсбургу ў чацвер.
«Без вяртання Крыма нармалізацыя нашых адносінаў немагчымая. Але мы людзі міру. Для гэтага ўкраінская ўлада, і я, як прэзідэнт, выступілі з мірным планам», — сказаў ён.
Кіраўнік украінскай дзяржавы нагадаў, што па выніках праведзеных напярэдадні тэлефонных кансультацый з прэзідэнтам Расіі Уладзімірам Пуціным, прэзідэнтам Францыі Франсуа Аланд і канцлерам Германіі Ангелай Меркель расійскі прэзідэнт падтрымаў яго мірны план.
Пры гэтым Парашэнка адзначыў, што Кіеў чакае такой падтрымкі не на словах, а на справе.
«І мы чакаем гэтых дзеянняў. Узмацніце ахову межаў, спыніце нелегальны паток тэхнікі, перастаньце рэкрутаваць наймітаў, нарэшце, адвядзіце войскі», — заклікаў украінскі прэзідэнт свайго расійскага калегу.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары