Аляксандр Лукашэнка папярэджвае чыноўнікаў, што любыя спробы узбагаціцца за дзяржаўны кошт будуць жорстка спыняцца.
Пра гэта сёння ён заявіў на нарадзе аб удасканаленні заканадаўства па барацьбе з карупцыяй.
«Але ніхто не жабрак», — падкрэсліў ён. — Пакуль я прэзідэнт, я не магу вам прапанаваць іншае за тое, што маем цяпер. У нас няма лішніх грошай, няма нафты, газу. У нас народ жыве сваімі мазалямі і за сваю капейку. Таму калі хтосьці хоча шмат атрымліваць, прытым хуткія, шалёныя грошы, тады трэба ісці ў іншую сферу».
«Я патрабую аднаго — не крадзіце ў дзяржавы. Калі вы будзеце абдзіраць уласны народ, літасці не чакайце», — папярэдзіў Лукашэнка.
«Трэба імгненна «секчы» галовы тым, хто сёння карыстаецца пасадамі, а таксама іх дзеці і сваякі.
Трэба падумаць, ці варта дазваляць дзяржслужбоўцу, каб яго сваякі займаліся бізнесам увогуле», — сказаў Лукашэнка.
«Я ўжо казаў пра лабіраванне пэўных прыватных структур. Гэта тычыцца і пасрэдніцтва. Літасці ўраду за гэта не будзе», — падкрэсліў Лукашэнка.
Ён нагадаў пра пытанне, якое было пазначана ў час яго нядаўняй рабочай паездкі ў Мінскі раён, калі ён даручыў праверыць празрыстасць пры закупках прадукцыі для патрэб сельскай гаспадаркі.
Цяпер чытаюць
Расіянка расказвала пра глыбінную моц Лукашэнкі — цяпер яна ў слязах з'язджае з Беларусі14
Каментары