У Барысаве школьнікі кідалі з моста пакрышкі на правады і палівалі іх вадой
Падлеткаў знайшла міліцыя, іх бацькоў цяпер пакараюць.
Вечарам 16 чэрвеня ў Барысаве чацвёра падлеткаў 12-13 гадоў вырашылі правесці дзіўны эксперымент. Яны падняліся на аўтамабільны мост над чыгуначнымі пуцямі недалёка ад прыпынка «Печанскі» і пачалі кідаць на правады пакрышкі. Для ўзмацнення эфекту яны чамусьці палівалі шыны вадой.
Ніхто не пацярпеў, але сілавікі неўзабаве знайшлі падлеткаў. Як заявілі ў міліцыі, за такі эксперымент падлеткі маглі б атрымаць крымінальную справу. Але паколькі яны яшчэ не дасягнулі ўзросту, з якога надыходзіць крымінальная адказнасць, адказваць будуць бацькі. Ім пагражае штраф да 420 рублёў.
Міліцыянеры, у тым ліку прадстаўнікі групы грамадскай бяспекі на транспарце і крымінальнага вышуку, правялі з дзецьмі тлумачальную гутарку. Пасля гэтага яны прыйшлі з лекцыяй у школу, у якой навучаюцца падлеткі.
Школьнікам нагадалі пра адказнасць, прадугледжаную артыкуламі 309 (Наўмыснае прывядзенне ў непрыдатнасць транспартнага сродку або шляхоў зносін) і 339 (Хуліганства) Крымінальнага кодэкса, а таксама артыкуламі 18.2 і 18.3 КоАП, якія адносяцца да парушэнняў правіл бяспекі на чыгунцы.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары