Дактары расказалі, адкуль беларусы прывозяць на радзіму небяспечныя інфекцыі
Беларускія турысты пасля адпачынку ў трапічных краінах — такіх як Мальдывы, Шры-Ланка і Інданезія з востравам Балі — могуць вяртацца дахаты з інфекцыямі, такімі як малярыя і ліхаманка дэнге. Пра гэта расказала эпідэміёлаг Анастасія Ляшкевіч падчас прэс-канферэнцыі ў Нацыянальным прэс-цэнтры, піша «Камсамольская праўда».
Доктарка падкрэсліла, што гэтыя захворванні для Беларусі вялікай небяспекі не ўяўляюць, бо ў краіне няма пераносчыкаў (камароў), здольных распаўсюджваць інфекцыі, а клімат для іх занадта халодны.
Паводле слоў спецыялістаў, выпадкі завозу захворванняў у Беларусь рэгіструюцца ўсё часцей. Асабліва часта завозяць малярыю — каля 10 выпадкаў у год. Гэтыя захворванні маюць доўгі інкубацыйны перыяд, і чалавек часта пачынае адчуваць сябе кепска ўжо пасля вяртання з падарожжа.
Прафесар Сяргей Жаваранак адзначыў, што выпадкі малярыі могуць працякаць вельмі цяжка і нават заканчвацца смерцю, але ў 2025 годзе, на шчасце, такіх выпадкаў не было.
Таксама час ад часу ў нас фіксуюцца выпадкі гепатыту А. Гэта менш небяспечная хвароба, але пры яе завозе могуць узнікаць лакальныя ачагі заражэння.
Як адрозніць часовае выпадзенне валасоў ад аблысення? Тлумачыць трыхолаг
Палавое выспяванне робіцца ўсё больш раннім, а псіхалагічная даросласць — позняй. І гэта праблема
Шэсць буйных аб'ектаў аховы здароўя плануюць увесці ў сталіцы ў гэтым годзе
«За паўтара года я ператварылася ў гародніну». Фітнэс-трэнерка захварэла на Балі на невядомую хваробу
Распрацаваны першы за 50 гадоў антыбіётык супраць смяротнай супербактэрыі
Каментары