Аляксандр Лукашэнка даручыў да 1 кастрычніка дэталёва прапрацаваць план забудовы зямельных участкаў, прылеглых з абодвух бакоў да Мінскай кальцавой аўтадарогі.
Па словах кіраўніка дзяржавы, землі ўздоўж МКАД варта выкарыстоўваць больш рацыянальна і па-гаспадарску. «У нас мора людзей, якія просяць ўчастак, каб пабудаваць прадпрыемства, стаянку ці яшчэ нешта. Да 1 кастрычніка гэты план павінен быць дэталёва прапрацаваны і прадстаўлены», - запатрабаваў Лукашэнка.
«Кальцавая дарога павінна быць вітрынай краіны, каб людзі ехалі і бачылі, што тут жывуць гаспадары, — падкрэсліў ён. — Самае галоўнае — гэта будаўніцтва ўздоўж кальцавой дарогі — з унутранага і знешняга бакоў. Столькі зямель пустуе, на якіх можна будаваць, а вы просіце адвесці пад гэта сельгасугоддзі».
У частцы недапушчальнасці выкарыстання зямель сельгаспрызначэння пад якое-небудзь будаўніцтва Лукашэнка персанальны папрок адрасаваў старшыні Мінскага аблвыканкама Сямёну Шапіру.
Па шляху на поле са збожжавымі кіраўнік дзяржавы звярнуў увагу на узведзеную без ўзгаднення канструкцыю, якая, як растлумачылі чыноўнікі, выкарыстоўваецца падчас правядзення сельскагаспадарчай выставы. Аляксандр Лукашэнка даручыў неадкладна ліквідаваць парушэнне. «Часовую выставу можна правесці сёння на адным полі, заўтра - на іншым, і за ноч працягнуць кабель, калі ён патрэбны. Не, вывелі з севазвароту 50 га зямлі», — абурыўся кіраўнік дзяржавы.
Лукашэнка таксама звярнуў увагу, што кожны, хай нават невялікі ўчастак сельскагаспадарчай зямлі, павінен рупліва выкарыстоўвацца, у тым ліку на тэрыторыях, якія прымыкаюць да фермаў, прысядзібных участках. «Усё павінна быць разарана», — падкрэсліў беларускі лідар.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза25
Каментары