На дальнабойніка, які зладзіў п'яныя гонкі па дарогах Гродзенскай і Брэсцкай абласцей, складзена 38 пратаколаў аб адміністрацыйных правапарушэннях. Пра гэта паведаміла інспектар ДАІ УУС Гродзенскага аблвыканкама Людміла Ракевіч.
Рэкордная колькасць пратаколаў складзена за здзейсненыя дальнабойнікам тры ДТЗ, кіраванне транспартным сродкам у стане алкагольнага ап'янення, за парушэнне правілаў абгону і манеўравання, выезд на сустрэчную паласу руху, за пакіданне месца ДТЗ, стварэнне аварыйнай сітуацыі, неаднаразовае непадпарадкаванне патрабаванням ДАІ аб спыненні. Парушальніка ўдалося спыніць толькі пасля таго, як з табельнай зброі былі зроблены стрэлы па колах.
Пакуль нават супрацоўнікі ДАІ баяцца выказаць здагадку, на якую суму пацягнуць штрафы па такой колькасці парушэнняў і на колькі гадоў кіроўца будзе пазбаўлены правоў кіравання транспартным сродкам. Па словах Людмілы Ракевіч, кожны артыкул караецца альбо пазбаўленнем правоў, альбо штрафам, агульнае пакаранне залежыць ад вынясення рашэнняў па кожным пратаколе. Хутчэй за ўсё, для далейшага разгляду пратаколы будуць перададзеныя ў сталічную ДАІ, па месцы рэгістрацыі парушальніка, дзе і будуць па іх прынятыя адпаведныя рашэнні. Толькі за кіраванне аўто ў п'яным выглядзе штраф складае ад 50 да 100 базавых велічынь (адна БВ роўная Br150 тыс.).
Пакуль 30-гадовы парушальнік-дальнабойшчык знаходзіцца пад вартай у Слонімскім РАУС. Як растлумачыў ён інспектарам, незадоўга да таго, як сесці за руль, ужыў 200-300 грам гарэлкі і паўтара літра піва, бо пасварыўся з жонкай і быў вельмі засмучаны. Па выніках медыцынскага агляду канцэнтрацыя пароў этылавага спірту ў выдыханым паветры правапарушальніка склала 1,94 праміле.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары