Малады беларускі выкладчык паліталёгіі адзначаны за дасягненьні ў наладжваньні лепшага паразуменьня паміж Беларусьсю й Эўрапейскім Зьвязам.
Гэта прэмія прысуджаецца з 2003 году арганізацыі альбо прыватнай асобе, якая адмысловым чынам паспрыяла эўрапейскай згодзе й інтэграцыі Эўропы, а таксама яе мірнай і адказнай ролі ў сьвеце. Сярод ляўрэатаў гэтай узнагароды Карла дэль Понтэ, галоўны пракурор трыбуналу па злачынствах у былой Югаславіі, Навід Кермані, іранскі навуковец і дысыдэнт, Дзітэр Косьлік, дырэктар Міжнароднага Бэрлінскага кінфэстывалю.
Сам Фонд імя Гайнца‑Шварцкопфа «Маладая Эўропа» быў створаны ў 1971 годзе дзеля падтрымкі дзейнасьці на карысьць адзінай Эўропы й прамоцыі эўрапейскай інтэграцыі. Штогод фонд супольна з Эўрапейскім парлямэнтам вызначае «Маладога эўрапейца году». У сваю чаргу «маладыя эўрапейцы году» прысуджаюць «Прэмію Эўропы». У гэтым годзе іх выбар спыніўся на выкладчыку‑палітолягу й грамадзкім дзеячы зь Беларусі.
Вось як тлумачыць гэты выбар Давід Штулік, ляўрэат узнагароды «Малады эўрапеец 1997 году», які быў чальцом журы, што выбірала ляўрэата «Прэміі Эўропы» сёлета:
«Працяглы час эўрапейская супольнасьць не зьвяртала ўвагі на Беларусь з увагі на палітычныя цяжкасьці двухбаковых дачыненьняў. Сытуацыя зараз мяняецца, дзякуючы беларусам з эўрапейскімі поглядамі, якія не перастаюць паўтараць, што Беларусь зьяўляецца часткай Эўропы. Іх праца знаходзіць водгукі й прызнаньне ў Эўропе».
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары