Прапанова змешчана ў ЖЖ jurginas.
«Звяртаюся да ўсіх, хто хоча і лічыць сябе здольным дапамагчы ў арганізацыі жывога ланцуга Талін — Рыга — Вільня — Кіеў пад умоўнай (пакуль) назвай «Мы не кінем цябе, Украіна».
Мой заклік адрасаваны ў першую чаргу да тых, хто займаўся арганізацыяй і правядзеннем «Балтыйскага шляху» 23 жніўня 1989 года [2 млн чалавек у 50-я ўгодкі Пакту Молатава-Рыбентропа, што прывёў да акупацыі краін Балтыі, выстраіліся ў ланцуг Вільня — Рыга — Талін — НН].
Мне здаецца, мы павінны і можам гэта зрабіць. Варта дамовіцца аб месцах збору, і хай кожны разам з блізкімі і сябрамі ва ўмоўлены дзень і гадзіну выйдзе на шашу і возьмецца за рукі з тымі, каму не абыякавы лёс яго дзяцей і ўнукаў. Мы змаглі гэта 25 гадоў таму. Зараз трэба ўсё паўтарыць і пайсці далей.
Аўтар прапануе, як адзін з варыянтаў, шлях праз Беларусь (Каменны Лог — Мінск Гомель — Чарнігаў), або ў абыход Беларусі праз Польшчу.
«Нагадваю таксама, што 24 жніўня — Дзень незалежнасці Украіны. … Я не з'яўляюся прадстаўніком ніякай палітычнай ці нацыянальнай арганізацыі, але 25 гадоў назад у складзе літоўскага Sąjūdis'а прымаў удзел у падрыхтоўцы «Балтыйскага шляху». Гэта былі адны з самых шчаслівых дзён і імгненняў у маім жыцці», — піша jurginas.
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?5
Каментары