Улады ЗША пацвердзілі, што на відэа, апублікаваным у інтэрнэце баевікамі групоўкі «Ісламская дзяржава», сапраўды — момант забойства амерыканскага журналіста Джэймса Фоўлі.
Ісламісты заявілі, што абезгаловілі рэпарцёра ў адплату за нядаўнія авіяўдары ЗША па пазіцыях «Ісламскай дзяржавы» ў Іраку.
Тэлежурналіст і фотарэпарцёр Джэймс Фоўлі быў захоплены невядомымі ўзброенымі людзьмі ў Сірыі ў 2012 годзе.
Спачатку прадстаўнікі Белага дома заяўлялі, што спрабуюць высветліць сапраўднасць апублікаванага відэазапісу, аднак пазней пацвердзілі асобу журналіста.
Сваякі Фоўлі таксама паведамілі пра яго гібель на старонцы ў Facebook, дзе да гэтага яны спрабавалі весці яго пошукі, заявіўшы, што яны «яшчэ ніколі за яго так не ганарыліся».
«Ён аддаў жыццё, спрабуючы паказаць свету пакуты сірыйскага народа», — гаворыцца ў паведамленні, напісаным ад імя Даян Фоўлі, маці забітага рэпарцёра.
Яна таксама звяртаецца да баевікоў з просьбай захаваць жыццё астатнім закладнікам.
«Як і Джым, усе яны не вінаватыя. Яны не кантралююць палітыку ЗША ў Іраку, Сірыі ці дзе-небудзь яшчэ ў свеце», - тлумачыць Даян Фоўлі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць25
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары