Ułady ZŠA paćvierdzili, što na videa, apublikavanym u internecie bajevikami hrupoŭki «Isłamskaja dziaržava», sapraŭdy — momant zabojstva amierykanskaha žurnalista Džejmsa Foŭli.
Isłamisty zajavili, što abiezhałovili reparciora ŭ adpłatu za niadaŭnija avijaŭdary ZŠA pa pazicyjach «Isłamskaj dziaržavy» ŭ Iraku.
Teležurnalist i fotareparcior Džejms Foŭli byŭ zachopleny nieviadomymi ŭzbrojenymi ludźmi ŭ Siryi ŭ 2012 hodzie.
Spačatku pradstaŭniki Biełaha doma zajaŭlali, što sprabujuć vyśvietlić sapraŭdnaść apublikavanaha videazapisu, adnak paźniej paćvierdzili asobu žurnalista.
Svajaki Foŭli taksama paviedamili pra jaho hibiel na staroncy ŭ Facebook, dzie da hetaha jany sprabavali vieści jaho pošuki, zajaviŭšy, što jany «jašče nikoli za jaho tak nie hanarylisia».
«Jon addaŭ žyćcio, sprabujučy pakazać śvietu pakuty siryjskaha naroda», — havorycca ŭ paviedamleńni, napisanym ad imia Dajan Foŭli, maci zabitaha reparciora.
Jana taksama źviartajecca da bajevikoŭ z prośbaj zachavać žyćcio astatnim zakładnikam.
«Jak i Džym, usie jany nie vinavatyja. Jany nie kantralujuć palityku ZŠA ŭ Iraku, Siryi ci dzie-niebudź jašče ŭ śviecie», - tłumačyć Dajan Foŭli.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro4
Kamientary