Беларусь 1 верасня знізіла экспартныя пошліны на нафту і нафтапрадукты, што вывозяцца за межы мытнай тэрыторыі Мытнага саюза (МС). Гэта прадугледжана пастановай Савета міністраў ад 27 жніўня 2014 года № 837, апублікаванай на Нацыянальным прававым інтэрнэт-партале.
Так, стаўка экспартнай пошліны на сырую нафту зніжаная з 388,4 да 367,6 долара за тону. Пошліна на прамагонны бензін і таварныя бензіны цяпер складае 330,8 долара за тону (раней 349,5), на лёгкія, сярэднія дыстыляты — 242,6 долара за тону (256,3). Такая ж стаўка пошліны дзейнічае на бензол, талуол, ксілолы, мазут, змазачныя і іншыя масла, адпрацаваныя нафтапрадукты, вазелін і парафін, нафтавы кокс (акрамя кальцынаванага) і бітум.
Пошліна на дызельнае паліва зніжанае з 252,4 да 238,9 долара за тону, на звадкаваныя вуглевадародныя газы яна павялічаная з 147,4 да 221 долара за тону.
У межах дагавораў аб МС і Адзінай эканамічнай прасторы Расія пастаўляе ў Беларусь нафту і нафтапрадукты без экспартных пошлін. Пошліны выплачваюцца ў расійскі дзяржбюджэт пры ажыццяўленні Беларуссю рээкспарту гэтых тавараў за межы МС або экспарту нафтапрадуктаў, выпрацаваных з расійскай нафты. Памеры экспартных пошлін на нафту і нафтапрадукты ўстанаўліваюцца ўзгоднена ўрадамі Расіі і Беларусі.
Каментары