 |
«Візіт адбудзецца ў пачатку або сярэдзіне снежня. Калі будзе прынята канкрэтнае рашэнне па вылеце, я пакуль не магу сказаць», — зазначыў прэс‑сакратар.
Апрача таго, у снежні ў Каракасе пройдзе Нацыянальная выстава Рэспублікі Беларусь. Як паведамляе афіцыйны сайт Беларускай гандлёва‑прамысловай палаты, выстава «Expo Feria «BELARUS‑2007» пройдзе 6—10 снежня. Паводле інфармацыі пасольства Венесуэлы ў Беларусі, венесуэльскі бок ускладае на сябе ўсе расходы па транспарціроўцы ў Каракас беларускіх выставачных тавараў і ўстаноўцы абсталявання. Венесуэла таксама збіраецца закупіць усю прадукцыю, што Беларусь будзе экспанаваць на выставе.
Тым часам у Каракасе рыхтуецца да адкрыцця беларускае пасольства. Як паведаміла БелаПАН начальнік аддзела прэс‑службы беларускага МЗС Марыя Ваньшына, часовы павераны ў справах Беларусі знаходзіцца ў сталіцы Венесуэлы ўжо больш за месяц, але дакладная дата цырымоніі адкрыцця пасольства пакуль не вызначана.
