У пункце пропуску «Новая Гута» памежным нарадам сумесна з супрацоўнікамі Гомельскай мытні ў аўтобусе Мінск — Нікалаеў быў выяўлены незаконны груз.
У спальным памяшканні аўтобуса, які накіроўваўся ў Беларусь, знойдзена 328 доз медыцынскага прэпарата для лячэння суставаў коштам больш за 510 мільёнаў рублёў. Як паведаміў прэс-сакратар Гомельскай пагранічнай групы Дзмітрый Уклейка, вадзіцель аўтобуса, 40-гадовы грамадзянін Украіны, наяўнасць незаконнага грузу растлумачыць не змог. Медыцынскі прэпарат быў канфіскаваны супрацоўнікамі Гомельскай мытні.
Таксама 8 верасня ў пункце пропуску «Славечна» пагранічным нарадам сумесна з супрацоўнікамі Гомельскай мытні ў цягніку Кішынёў — Санкт-Пецярбург, які рухаўся ў Беларусь, быў выяўлены безгаспадарны груз. У адным з вагонаў з боку рабочага тамбура ў тэхналагічнай нішы было схавана 55 бутэлек каньяку, а таксама 100 штук каньячных коркаў. Праваднік вагона, 46-гадовы грамадзянін Малдовы, наяўнасць безгаспадарнага грузу растлумачыць не змог. Незаконны каньяк на 7,6 млн рублёў канфіскаваны супрацоўнікамі Гомельскай мытні.
Каментары