Перамогу над БАТЭ ў Лізе чэмпіёнаў капітан «Шахцёра» харват Дарыё Срна дорыць данецкім дзецям і іх бацькам.
«На жаль, сёння перад гульнёй мы даведаліся вельмі страшную навіну пра тое, што здарылася ў Данецку… Гэтая трагедыя стала для нас, з аднаго боку, шокам, а з другога — надала дадатковы стымул гуляць яшчэ лепш. Страшна, калі дзеці пакутуюць у нашым горадзе. Яны — будучыня Украіны, будучыня Данецка і Данбаса. Гэта новыя футбалісты. Гэтую перамогу я б падарыў дзецям і іх бацькам. Сёння ім вельмі цяжка. Мы будзем дапамагаць ім і далей», — прыводзіць словы харвацкага футбаліста прэс-служба «Шахцёра».
«Матэматычна мы яшчэ не патрапілі ў другое кола. Яшчэ ўсё наперадзе! Але ў такой сітуацыі сёння трапіць у плэй-оф вельмі важна для Данбаса, Данецка, балельшчыкаў «Шахцёра» і нашага клуба», - падкрэсліў Срна.
5 лістапада ў выніку траплення снарадаў на школьную пляцоўку ў пасёлку Паўночны Куйбышаўскага раёна Данецка загінула двое дзяцей, яшчэ чатыры знаходзяцца ў рэанімацыі.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары