Як паведамляецца, машыну 48‑гадовага былога галкіпера лонданскага «Арсенала», турынскага «Ювентуса» і зборнай Аўстрыі збіў цягнік на чыгуначным пераездзе.
Трагедыя адбылася 15 красавіка ў раёне Зальцбурга. Паводле інфармацыі паліцыі, Манінгер ехаў на аўтамабілі і на нерэгуляваным чыгуначным пераездзе ў мястэчку Нусдорф-ам-Хаўнсберг сутыкнуўся з цягніком мясцовай чыгункі. Машыну зачапіла і працягнула некалькі метраў. Спачатку паведамлялася пра цяжкія траўмы кіроўцы, але пазней стала вядома, што мужчына памёр.
Аляксандр Манінгер быў адным з самых вядомых аўстрыйскіх галкіпераў свайго пакалення. Прафесійную кар’еру ён пачаў у зальцбургскай «Аўстрыі» ў сярэдзіне 1990-х. Шырокую вядомасць атрымаў пасля пераходу ў лонданскі «Арсенал», з якім у сезоне 1997/98 стаў чэмпіёнам Англіі і ўладальнікам Кубка краіны.
На працягу кар’еры ён выступаў за шэраг вядомых еўрапейскіх клубаў, у тым ліку ў Італіі і Германіі. У 2008‑2012 гадах гуляў за знакаміты турынскі «Ювентус». У нацыянальнай зборнай Аўстрыі правёў 33 матчы.
Сярод іншага Манінгер стаяў на варотах «Ювентуса» ў матчы групавога этапу Лігі чэмпіёнаў з барысаўскім БАТЭ, які адбыўся ў Мінску 30 верасня 2008 года. Той матч скончыўся ганаровай для барысаўцаў нічыёй 2:2.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары