Улада88

Калякін: Мы не можам падпісацца пад працэдурай вылучэння кандыдатаў кангрэса дэмакратычных сіл праз збор подпісаў

Лідар Беларускай партыі левых «Справядлівы свет» Сяргей Калякін «здзіўлены» падпісаннем 17 лістапада пяццю апазіцыйнымі структурамі пагаднення аб працэдуры абрання адзінага кандыдата ад дэмакратычных сіл на прэзідэнцкіх выбарах 2015 года.

Пагадненне падпісалі Беларуская сацыял-дэмакратычная партыя (Грамада), рух «За Свабоду», кампанія «Гавары праўду», Партыя БНФ і аргкамітэт па стварэнні партыі «Беларуская хрысціянская дэмакратыя» (БХД). Тым часам перамовы пра абранне адзінага кандыдата ад дэмсіл на маючых адбыцца выбарах вялі сем апазіцыйных структур: акрамя пяці названых арганізацый, гэта Беларуская партыя левых «Справядлівы свет» і Аб'яднаная грамадзянская партыя (АГП).

«Я прысутнічаў на сённяшняй сустрэчы «сямёркі». Там ніякага пагаднення пры мне не падпісвалася. Магчыма, яны проста паставілі подпісы пад працэдурай, якая ўзгаднялася ўжо на працягу сямі месяцаў»,

— сказаў Калякін.

Паводле яго слоў, «ужо даўно было вядома, што пяць структур падтрымліваюць працэдуру вылучэння адзінага кандыдата, пад якой яны падпісаліся».

«Але мы не можам падпісацца пад працэдурай вылучэння кандыдатаў кангрэса дэмакратычных сіл праз збор подпісаў. Гэта форма вылучэння не выклікае даверу. Мы памятаем сітуацыю 2010 года, калі шматлікія кандыдаты ў прэзідэнты насамрэч не сабралі подпісы, але былі зарэгістраваныя Цэнтрвыбаркамам. Таму мы не лічым, што праз збор подпісаў можна вылучаць дэлегатаў кангрэса»,

— заявіў лідар партыі.

«У нас ёсць адпаведнае партыйнае рашэнне. Хутка ў нас будзе пасяджэнне кіраўнічага органа, мы яшчэ раз разгледзім гэта пытанне», — дадаў ён.

Паводле яго слоў, калі пяцёрка арганізацый сапраўды падпісала нейкае пагадненне, то «гэта непаразуменне і не вельмі правільны крок». «Калі пагадненне было падпісана пяццю структурамі, значыць, яны ідуць на выбары ў кааліцыі «Народны рэферэндум» (у яе ўваходзяць чатыры структуры, якія падпісалі сёння пагадненне акрамя аргкамітэта БХД. — БелаПАН.) Але гэта не будзе мець ніякага дачынення да абрання адзінага кандыдата, а наадварот, будзе тармазіць магчымасць яго вылучэння», — лічыць Калякін.

У цэлым жа, паводле яго меркавання, «нічога новага сёння не адбылося». «Калі яны жадаюць, каб быў не адзіны кандыдат, а кандыдат ад «Народнага рэферэндуму», тады ўсё зразумела з гэтым рашэннем. Але яшчэ сёння раніцай яны казалі пра неабходнасць адзінага кандыдата, а не кандыдата ад «Народнага рэферэндуму», — заўважыў Калякін.

Нагадаем, аналагічным чынам пракаментаваў сённяшнюю падзею і старшыня АГП Анатоль Лябедзька. Паводле яго слоў, на сёння можна гаварыць, хутчэй, пра вылучэнне адзінага кандыдата не ад дэмакратычных сіл, а ад кампаніі «Народны рэферэндум».

Каментары8

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць