Пасля выхаду на адзіны курс і абнулення валютнага падатку раніцай 9 студзеня практычна ўсе беларускія банкі выставілі аднолькавыя курсы на продаж даляраў. Пры гэтым, для ўстанаўлення курсу, выкарыстаная верхняя мяжа дазволенага Нацбанкам калідора.
Раніцай 9 студзеня самы папулярны курс, па якім можна купіць даляры ў абменніку пры ўмове іх наяўнасці, склаў 14.035 рублёў. Выключэннем пакуль стаў толькі Альфа-Банк, дзе амерыканскую валюту прадаюць па 14030 рублёў.
Нагадаем, напярэдадні Нацыянальны банк рэкамендаваў банкам для ўстанаўлення курсу куплі-продажу валюты арыентавацца на формулу «плюс-мінус 2% да афіцыйнага курсу».
Што тычыцца курсу, па якім можна здаць даляры, то тут назіраецца не такая поўная аднадушнасць. Банкі гатовыя купіць даляры і за 13 450 рублёў, і за 13 900 рублёў.
А вось у курсах на продаж еўра разбежка прысутнічае: на раніцу 9 студзень самая выгадная цана - 16 500 рублёў — была прапанавана некалькімі абменнікамі Абсалютбанка і ВТБанка.
Большасць абменнікаў Беларусбанка прадаюць еўра па 16 550 рублёў. Максімальны курс на сённяшнюю раніцу склаў 16.565 рублёў за еўра.
Самы папулярны курс на здачу еўра на раніцу 9 студзеня склаў 16.200 рублёў.
Аднак ёсць банкі, якія гатовыя купіць еўра па 15 920 рублёў (такі курс усталяваў Абсалютбанк) і нават па 15 500 (Беларускі народны банк).
Цяпер чытаюць
Адстаўны падпалкоўнік міліцыі адсудзіў кватэру ў сваёй дачкі. Гучная сямейная гісторыя з Брэста5
Каментары