Даследчыкі універсітэту Альберты (Эдманд, Канада) стварылі Цэфея — непераможнага ў гульні ў покер робата. Яго ахілесаву пяту выкрыў на старонках The Guardian гулец Крыстафер Хол.
Праграму трэба было адно азнаёміць з правіламі гульні — далей два месяцы кіберкарцёжнік разыгрываў мільярды партый на секунду з дапамогай чатырох тысяч працэсараў.
Цэфей згуляў больш партый, чым усё чалавецтва за сваю гісторыю.
Такім чынам навукоўцы даследавалі штучны інтэлект і тэорыю гульняў. Покер быў абраны праз тое, што, у адрозненне ад шахмат, ён не ёсць гульнёй з поўнай інфармацыяй. Калі ў шахматы дасканалы камп’ютар адназначна перамагае чалавека, у покеры штучны інтэлект мае менш шанцаў.
Заявам аб непераможнасці Цэфея не паверыў Крыстафер Хол, аўтар-фрылансер, што піша на тэму покера.
На сайце праекту ён згуляў з Цэфеям прыблізна 400 гульняў — і знайшоў тэарэтычную магчымасць пакінуць карцёжніка без штаноў.
Напачатку Хол цярпеў паразу за паразай, ніводны яго блеф не праходзіў. Тады Хол вырашыў гуляць больш агрэсіўна на прэфлопе і адмовіўся ад блефу. Гэта выкрыла слабасць Цэфея: ён не адаптаваўся да новага стылю гульні. Хол «выціскаў» Цэфея — падымаў і падымаў стаўкі падчас прэфлопу ды забіраў банк. Але і праграма неахвотна аддавала вялікія грошы.
Некалькі розыгрышаў, па словах Хола, «пад пытаннем», але аб перамозе ён заявіць не можа.
Хол прапануе зладзіць вялікі турнір з Цэфеям і сусветна вядомымі гульцамі ды фіксаванай колькасцю партый. Такім чынам можна будзе атрымаць вынік накшталт славутых шахматных партый Deep Blue і Гары Каспарава (першы раз чалавек выйграў па партыях 4:2, другі раз — камп’ютар, 3,5:2,5).
У такой гульні Хол паставіў бы на чалавека.
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну6
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары