Прэзідэнт Паўднёвай Карэі Пак Кын Хе абвясціла, што згодная сустрэцца з лідарам КНДР Кім Чэн Ынам без якіх-небудзь папярэдніх умоў. Пра гэта паведамляе Reuters.
Па словах Пак Кын Хе, яна «гатова сустрэцца з кім заўгодна, каб палегчыць боль ад падзелу народа і дасягнуць мірнага аб'яднання». Пры гэтым прэзідэнт заявіла пра неабходнасць захавання Закона аб нацыянальнай бяспецы. Гэты дакумент, прыняты яшчэ ў 1948 г., вызначае КНДР як антыдзяржаўную арганізацыю і прадугледжвае крымінальнае пакаранне за любое садзейнічанне ёй.
У сваёй навагодняй прамове кіраўнік Паўночнай Карэі Кім Чэн Ын паведаміў, што мае намер сустрэцца з Пак Кын Хе ў 2015 годзе. На гэты момант КНДР і Рэспубліка Карэя знаходзяцца ў стане вайны, але ў апошнія тыдні Пхеньян і Сеул заяўлялі пра гатоўнасць аднавіць дыялог. У прыватнасці, паўднёвакарэйскі прэм'ер-міністр Чон Хон Вон заявіў, што яго ўрад прыкладзе максімум высілак, каб спыніць канфрантацыю са сваім паўночным суседам.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары