Французскі лідэр Франсуа Алянд заявіў, што дзяржава будзе абараняць усе рэлігіі, і дадаў, што мусульмане часта становяцца галоўнымі ахвярамі фанатыкаў.
Выступаючы ў Інстытуце арабскага свету ў Парыжы, ён адзначыў, што іслам не супярэчыць дэмакратыі, і падзякаваў грамадзянам арабскіх краін за падтрымку Францыі пасля парыжскіх тэрактаў.
Алянд падкрэсліў, што французы аб'ядналіся перад пагрозай тэрору.
«Мусульмане Францыі валодаюць тымі ж правамі, што і ўсе астатнія французы, — сказаў ён, — і мы абавязаныя іх абараніць».
«Закон павінен строга выконвацца ва ўсіх месцах, дзе праводзяцца рэлігійныя службы, цэрквы гэта, мячэці або сінагогі. Дзеянні, накіраваныя супраць мусульман, таксама як і дзеянні, накіраваныя супраць габрэяў, павінны быць асуджаныя, а тыя, хто здзейсніў іх, павінны панесці пакаранне», — заявіў Алянд.
Прэзідэнт Францыі дадаў, што глебу радыкальнага ісламу сілкуюць супярэчнасці, беднасць, няроўнасць і канфлікты, і што «мусульмане аказваюцца першымі ахвярамі фанатызму, фундаменталізму і нецярпімасці».
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай11
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары