Расійскія заолагі знайшлі тыгрыцу з характарам хатняй коткі
Супрацоўнікі нацыянальнага парку «Зямля леапарда» ў Прыморскім краі заўважылі, што дарослая тыгрыца гуляецца, як хатняя котка, паведамляе РИА Новости.
Спецыялісты парку заўважылі месца паляванне тыгрыцы, а па слядах знайшлі і здабычу — рэшткі самца аленя, за паяданнем якога тыгрыца правяла 2-3 дні. Далейшыя сляды паказалі, што сытая жывёла пачала за кімсьці красціся, а затым схапіла новую здабычу. Але ні крыві, ні поўсці на месцы не знайшлося.
Недалёка ад таго месца заолагі знайшлі старую мужчынскую куртку, з якой тыгрыца відавочна гулялася.
Мяркуючы па слядах, тыгрыца адразу зразумела, што аб’ект не прадстаўляе пагрозы, але не абышла яго і не разадрала на шматкі, а валяла і рухала лапай — рыхтык як то робяць хатнія каты. А калі нагулялася, пакінула цацку і пайшла далей.
Па словах спецыяліста «Зямлі леапарда» Марыі Акулавай, на яе практыцы гэта першы выпадак такіх паводзін дарослага дзікага звера. «Гэта відавочна кажа аб добрым здароўі, дабрадушным настроі і пэўным пачуцці гумару у коткі, — кажа яна. Пры гэтым важна падкрэсліць, што такія паводзіны не гаворыць пра небяспеку, якую гэты звер можа прадстаўляць для людзей».
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары