У тралейбусным парку знайшлі буйны тайнік з псіхатропамі
На тэрыторыі тралейбуснага парка па вуліцы Харкаўскай у Мінску ў тайніку знойдзеная і канфіскаваная спартыўная сумка з забароненымі рэчывамі.
У сумцы было парашкападобнае рэчыва масай больш за 1 кг, каля 600 г рэчыва расліннага паходжання, якое мае ў сваім складзе псіхатроп — разнавіднасць спайсаў. Таксама ў ёй знаходзіліся дзве пары электронных вагаў, сродкі індывідуальнай абароны, упаковачныя і фасовачныя матэрыялы, паведамляе прэс-служба ГУУС Мінгарвыканкама.
Устаноўлена, што канфіскаваныя рэчывы належаць адной з інтэрнэт-крамаў, праз якія прадаюць наркатычныя сродкі на тэрыторыі Мінска. У цяперашні час праводзіцца комплекс мерапрыемстваў па выяўленні асобы падазраванага. Прызначаны шэраг экспертыз у сферы высокіх тэхналогій.
Распачатая крымінальная справа па частцы 3 артыкула 328 («Незаконны абарот наркатычных сродкаў, псіхатропных рэчываў і іх прэкурсораў»).
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары