Швейцарцы прадставілі кантактныя лінзы з 3-кратным зумам
Распрацоўка дапаможа пацярпелым ад дэградацыі цэнтральнага поля зроку.
Інжынеры Швейцарскага палітэхнічнага інстытуту ў Лазане распрацавалі кантактныя лінзы, што могуць набліжаць ці аддаляць выяву, распавядае часопіс Science.
Каб наблізіць карцінку ў тры разы, уладальніку лінз дастаткова міргнуць правым вокам, а каб аддаліць — левым.
За такім простым прынцыпам хаваецца змена аптычнага шляху святла за кошт змены яго палярызацыі. Змена адбываецца не на саміх лінзах, а на адмысловых акулярах, якія рэагуюць на мірганне і змяняюць палярызацыю святла, якое затым трапляе на лінзы, у якіх не адбываецца ніякіх механічных змен.
Набліжэнне выявы дапаможа хворым на макуладыстрафію — дэградацыю цэнтральнага поля зроку праз пагаршэнне забеспячэння сятчаткі крывёй. Такім чынам людзі, якія не бачаць цэнтр выявы, але добра бачаць перыферыю, змогуць разглядзець частку цэнтру на перыферыі.
Па словах стваральнікаў лінз, першапачаткова тэхналогія распрацоўвалася вайсковым агенцтвам DARPA для беспілотнікаў.
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары