Аб гэтым на прэс-канферэнцыі распавёў міністр сувязі Сяргей Папкоў.
Рэалізацыя мабільных сетак 4 пакалення (LTE) пачнецца ў Беларусі ў 2015 годзе, перадае TUT.BY словы міністра сувязі.
Першая базавая станцыя, што падтрымлівае тэхналогію LTE, з’явіцца ў 3 квартале 2015 года.
Рэалізоўваць праект будзе інфраструктурны аператар beCloud («Беларускія воблачныя тэхналогіі»), але схема рэалізацыі пакуль не вызначаная. Верагодным варыянтам будзе продаж 4G-трафіку існуючым мабільным аператарам.
Таксама ў 2015 годзе вырастуць тарыфы на рэгуляваныя паслугі сувязі для фізічных асоб.
Папкоў агучыў намер міністэрства па павелічэнні тарыфаў «да ўзроўню ўзмяшчэння» — за мінулы год «Белтэлекам» страціў каля трыльён рублёў. Зараз падвышэнне тарыфаў узгадняецца з міністэрствам эканомікі.
Падчас прэс-канферэнцыі былі агучаныя наступныя лічбы па Беларусі:
- 4,5 млн абанентаў фіксаванай сувязі.
- 11,4 млн абанентаў сотавай сувязі (1,2 сім-карты на чалавека).
- 2,7 млн карыстальнікаў шырокапалоснага доступу ў інтэрнэт.
- 0,7 млн карыстальнікаў хуткаснага інтэрнэту па тэхналогіях Ethernet і GPON.
- 50% абанентаў сотавай сувязі карыстаюцца мабільным інтэрнэтам.
- 770 Гбіт/с складае знешні інтэрнэт-шлюз.
Чытайце таксама: Мінсувязі захацела атрымаць прыбытак ад Skype і Viber
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк21
Каментары