Аляксандру Лукашэнку ў час наведвання Міністэрства абароны падарылі аўтамат Калашнікава.
Падарунак у спецыяльным футарале кіраўніку дзяржавы паднёс міністр абароны Беларусі Андрэй Раўкоў. Ён адзначыў, што на працягу ўжо некалькіх дзясяткаў гадоў гэта надзейная правераная зброя запатрабавана ў войсках многіх краін свету.
«Добрая зброя. Мая», — сказаў Аляксандр Лукашэнка, прымаючы падарунак.
Раней Лукашэнка заявіў, што калі давядзецца бараніць краіну, ён будзе ў першых шэрагах.
«Вы павінны ведаць: у неабдуманыя, непатрэбныя для краіны авантуры я вас ніколі не ўцягну. Але, калі давядзецца абараняць сваю зямлю і стаяць спінай да спіны, плячом да пляча, вы можаце быць упэўненыя, што мяне вы там ўбачыце ў першых шэрагах», — сказаў ён.
Каментары