Як працуе амністыя — дзяўчына, якой далі за наркотыкі 12 гадоў, вызвалілася праз пяць
22-гадовая віцяблянка Кацярына Макаранка трапіла за краты яшчэ падлеткам.

Адной з вызваленых па амністыі-2025 стала жыхарка Віцебска Кацярына Макаранка. Яе юрыдычныя абставіны не да канца зразумелыя, аднак дазваляюць пабачыць, як можа працаваць заканадаўства ў непалітычных справах.
Кацярына трапілася на наркотыках яшчэ 17-гадовай. «Школьніца з добрай сям’і пазнаёмілася не з тым хлопцам», — гаворыцца ў рэпартажы пра яе. Спачатку спажывала, потым стала распаўсюджваць. У выніку школу яна сканчвала ўжо ў СІЗА.
Дзяўчыне прысудзілі 12 гадоў зняволення, аднак ёй на руку згуляла некалькі амністый, якія скарачалі тэрмін. А яшчэ той факт, што яна здзейсніла злачынства яшчэ непаўналетняй — за кошт гэтага час у СІЗА ёй залічыўся як дзень за два, а таксама яна магла прэтэндаваць на ранейшае ўмоўна-датэрміновае вызваленне.
Кацярыну перавялі ў жаночую калонію ў Гомель. Колькі яна там прабыла, невядома, але апошнім часам яна адбывала пакаранне ў калоніі-пасяленні ў Баранавічах. Гэта ўстанова з палегчанымі ўмовамі ўтрымання.
29 мая 2025 года Кацярыне Макаранка прымянілі чарговую амністыю. Увесь неадбыты тэрмін — ён не называецца, але хутчэй за ўсё, не перавышае год, — ёй застанецца правесці на хатняй хіміі.
-
«А рускіх імёнаў не знайшлося?» Былы футбаліст зборнай Расіі здзівіўся імёнам беларускіх дзяцей
-
«У дачкі мукавісцыдоз, у сына дыябет і аўтызм. Іх мама ў турме, і дзеці цяпер на мне адным». Сям'і палітвязня патрэбная дапамога
-
У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі
Каментары