Небяспекі для еўрапейскай валюты развеяліся пасля таго як урад Грэцыі адрокся сваіх радыкальных перадвыбарчых планаў.
Міністры фінансаў еўразоны ў пятніцу ў прынцыпе пагадзіліся падоўжыць пакет фінансавай дапамогі Афінам на чатыры месяцы. Тым самым пагроза дэфолту краіны ў сакавіку знятая, і Грэцыі не прыйдзецца выходзіць з зоны еўра, што магло б выклікаць не да канца прадказальныя палітычныя і фінансавыя турбуленцыі. Можна прагназаваць, што курс еўра зараз падрасце, тады як за апошнія тыдні ён упаў да рэкордна нізкіх за апошнія пяць гадоў пазіцый.
Як паведамляюць інфармацыйныя агенцтвы, крэдыторы Грэцыі маюць ратыфікаваць пагадненне як толькі ўрад Цыпраса на наступным тыдні прапануе пакет рэформаў для аздараўлення фінансаў Элады, што доўгія гады жыла не па сродках.
«Сёння ўвечары быў зроблены першы крок у працэсе аднаўлення даверу», — сказаў Ерун Дэйсэльблюм, міністр фінансаў Нідэрландаў і кіраўнік Еўрагрупы — рады 19 міністраў фінансаў краін Еўразоны.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары