На выбарах у Саксоніі-Анхальт «Альтэрнатыва для Германіі», паводле даных экзіт-полаў, набірае 44,5%. Сама партыя назвала гэтыя вынікі гістарычнымі. Пытанне, ці ўдасца партыі знайсці партнёраў, бо раней іншыя асноўныя партыі выключалі кааліцыю з АдГ.
Лічбы экзіт-полаў дае тэлеканал ARD пасля зачынення ўчасткаў. ХДС займае другое месца з 18,5%. «Левая партыя» набірае 9,5%, «Зялёныя» — 9%, СДПГ — 8%, «Саюз Сары Вагенкнехт» — 5%, СвДП — 2%, іншыя партыі — 3,5%, паведамляе Bild. Парог праходжання — 5%.
Прэм'ер-міністр Саксоніі-Анхальт Свен Шульцэ прызнаў паразу ХДС на зямельных выбарах і павіншаваў АдГ з перамогай.
«Мы жывём у дэмакратыі. Я хачу павіншаваць пераможцу выбараў», — заявіў ён.
Пры гэтым Шульцэ заклікаў не называць вынік выбараў «чорным днём» для зямлі.
Рэкордна высокі прыход, паводле яго слоў, стаў выразным сігналам выбарцаў, на які палітыкі мусяць адрэагаваць.
Сустаршыня АдГ Аліса Вайдэль назвала вынік выбараў гістарычным. «Гэта найлепшае, чаго калі-небудзь удавалася дасягнуць у гэтай федэральнай зямлі», — сказала яна ARD.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары