Канал 1+1 і студыя «95 квартал» абяцаюць «файную патрыятычную камедыю».
Валера — звычайны сын звычайнага маскоўскага мільянера. Яго бацьку абвінавацілі ў крадзяжы вялікай сумы грошай (ніхто нічога не краў, насамрэч тое завецца «засваеннем фондаў»). Бацька збег у Вялікабрытанію, Валера збегчы не паспеў. Але ён цудам даведаўся пра брата бацькі, які можа схаваць хлопца ў Карпатах.
Сярод горнага народу гуцулаў у сяле Вялікія Вуйкі Валера сустрэне не толькі насцярожанае стаўленне да «маскаля», але і сапраўднае каханне.
Першы сезон тэлесерыяла «Апошні маскаль» будзе складацца з 16 серый, першая з’явіцца на экранах ужо ў сакавіку на канале 1+1.
Галоўную ролю ў серыяле выканае расійскі актор Ігар Скрыпка, кампанію яму складуць вядомыя ўкраінскія акторы і тэлевядоўцы Юрый Гарбуноў і Уладзімір Гаранскі.
Цяпер чытаюць
Сяргей Ціханоўскі запусціў свой ютуб-канал з вершамі і казкамі29
Каментары