Былыя і цяперашнія супрацоўнікі «Лабараторыі Касперскага» супрацоўнічаюць з расійскімі спецслужбамі, некаторыя работнікі кампаніі дапамагаюць ФСБ у расследаванні крымінальных злачынстваў, выкарыстоўваючы інфармацыю аб кліентах.
Агентцтва паведамляе, што заснавальнік і кіраўнік кампаніі Яўгеній Касперскі сам працаваў у ФСБ. У 2012 годзе, па дадзеных Bloomberg, з кампаніі сышлі высокапастаўленыя менеджары, замест іх прыйшлі людзі, у якіх былі цесныя сувязі з расійскімі вайскоўцамі або разведвальнымі структурамі.
Некаторыя з іх цесна супрацоўнічалі з ФСБ і дапамагалі ведамству раскрываць крымінальныя справы, выкарыстоўваючы пры гэтым базу, у якой былі дадзеныя аб 400 мільёнах кліентаў кампаніі. Пра гэта агенцтву распавялі шэсць былых і цяперашніх супрацоўнікаў кампаніі.
Яўгеній Касперскі, перадае Bloomberg, кожны тыдзень ходзіць у лазню ў групе з пяці-дзесяці чалавек. Сярод іх часта аказваюцца супрацоўнікі расійскіх спецслужбаў. Сам ён у інтэрв'ю агенцтву распавёў, што паход у лазню носіць выключна сацыяльны характар. Паводле яго слоў, гэта дапамагае супрацоўнікам «пасябраваць».
Ігар Чэкунаў, намеснік кампаніі па юрыдычных пытаннях, які часта, па дадзеных Bloomberg, ходзіць у лазню з Яўгеніям Касперскім, і з'яўляецца ключавой асобай па ўзаемадзеянні з расійскім урадам. З 2013 года ён нібыта кіруе групай з дзесяці чалавек, якія прадастаўляюць інфармацыю ФСБ і іншым расейскім дзяржструктурам.
Касперскі распавёў агенцтву, што прадстаўнікі дзяржструктур не могуць прывязаць сабраную інфармацыю да асобных кліентаў. «Я не той чалавек, з якім можна пагаварыць аб расійскіх рэаліях, бо я жыву ў кіберпрасторы», - дадаў ён
Чыноўнікі прагаварыліся, што ў Беларусі засталося толькі 8,8 мільёна чалавек? Гэта няправільная выснова14
Каментары