Пасол Беларусі ва Украіне: Ніводзін беларус не загінуў на чыім-колечы баку ў Данбасе
Пра гэта заявіў пасол Беларусі ва Украіне Валянцін Вялічка ў інтэрв’ю «Українським Новинам», адказваючы на пытанне пра ўдзел беларусаў у баявых дзеяннях у Данбасе.
«Ёсць вярбоўшчыкі, якія прапануюць, мяркуючы па ўсім, зарабіць. Але нармальныя людзі на вайну не паедуць. Калі я маю сям’ю, уладкаваны побыт, працу, дык выбачайце мяне — куды я паеду? Гэта ж вайна.
Прыкладаў, калі б беларусы ваявалі на чыім-колечы баку на усходзе Украіны і загінулі, мы не ведаем», — заявіў ён.
Вялічка таксама заявіў, што ня ведае, ці ёсьць расейскія вайскоўцы ў Данбасе: «Гэта не да мяне пытанне. Сказаць, што ёсць — значыць, трэба мець доказы, а якія? Я на Данбасе не быў, я гляджу тэлебачанне, як і ўсе. Адны кажуць, што ёсць, іншыя — што не».
Што тычыцца плянаў запусціць вяшчанне ў Беларусі ўкраінскага тэлеканалу, то, па словах Вялічкі, праца над гэтым працягваецца.
На пытанне, ці супрацоўнічае Беларусь з «уладамі Данецкай і Луганскай абласцей» у эканамічным плане, Вялічка адказаў: «Як можна з імі супрацоўнічаць? Ніякай выгады няма».
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?2
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары