Ананіч: Людзі адчулі карысць ад дзяржаўнага рэгулявання інтэрнэт-прасторы
Людзі адчулі карысць ад дзяржаўнага рэгулявання інтэрнэт-прасторы. Такое меркаванне 25 сакавіка ў ходзе правядзення прыёму грамадзян і прамой тэлефоннай лініі ў Шчучыне выказала міністр інфармацыі Лілія Ананіч.
Змяненні ў заканадаўстве далі магчымасць унесці пэўныя карэктывы ў работу інтэрнэт-рэсурсаў. Дзяржаўнае рэгуляванне гэтай сферы неабходна, і грамадзяне ўскладаюць на яго пэўныя надзеі, аб чым сведчаць у тым ліку звароты ў час прамых ліній і сустрэч.
Так, у Міністэрства інфармацыі паступіла нямала паведамленняў наконт работы інтэрнэт-рэсурсаў.
Нават калі часам гэтыя пытанні патрабуюць у большай ступені работы праваахоўных органаў, гэта паказвае, што людзі атрымалі і ацанілі дадатковы канал для вырашэння праблем, могуць разлічваць на дзяржаўную дапамогу. Праводзяцца праверкі, закрываюцца сайты з-за распаўсюджвання наркотыкаў і г.д. «Гэтыя і іншыя дэструктыўныя праявы праз інтэрнэт павінны спыняцца», - падкрэсліла Лілія Ананіч.
Асобныя нормы заканадаўства, якія датычацца рэгулявання інтэрнэт-прасторы, дапрацоўваюцца. Так, падрыхтаваны змяненні ва ўказ нумар 60 «Аб мерах па ўдасканаленні выкарыстання нацыянальнага сегмента сеткі Інтэрнэт».
Плануецца закрыць існуючыя пралазы для ўладальнікаў сайтаў у плане іх адказнасці за «каментатараў» на сваіх рэсурсах.
Мінчанка выбіла пярэднія зубы на самакаце, страціла праз гэта мужа, але цяпер збірае мільёны праглядаў у тыктоку10
Каментары