Новы тэмпературны рэкорд — +17,5°C.
Самая цёплая зіма ў свеце адбілася і на Антарктыдзе. На палярнай станцыі Эсперанца зафіксаваны абсалютны рэкорд за час назіранняў, паведамляе Weather Underground са спасылкай на антарктычнага даследчыка Максімільяна Эррэру.
Папярэдні тэмпературны рэкорд Антарктыды, +17,4°C, быў зафіксаваны на станцыі Марамбіа 24 красавіка 1961 года. Новы рэкорд, зафіксаваны 24 сакавіка 2015 года на станцыі Эсперанца, на 0,1°C вышэйшы.
База Эсперанца знаходзіцца на паўночным краі Антарктычнага паўвострава. Паўвостраў ёсць адным з месцаў, дзе тэмпература расце найхутчэй на Зямлі. З 1900 па 2011 год сярэдняя тэмпература на ім павысілася на 5°C. Гэта прывяло да таяння масіўных ледавікоў.
Тэмпературныя рэкорды ў гэтым годзе былі ўсталяваныя не толькі ў Антарктыдзе. 17 сакавіка быў зафіксаваны самы цёплы дзень у Экватарыяльнай Гвінеі (35,5°C ў горадзе Бата), 12 лютага — у Гане (43°C у Наўронга), 20 студзеня — у Самоа (36,5°C Асаў), 19 студзеня на астравах Уоліс і Футуна (35,5°C у аэрапорце Футуна).
Мінулая зіма ў Беларусі ўвайшла ў дзясятку самых цёплых за час назірання.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары