Былы ўдзельнік расійскага гурта «Любэ» склаў паўнамоцтвы сенатара, каб пайсці на вайну
Былы гітарыст расійскага гурта «Любэ» Аляксандр Вайнберг датэрмінова склаў паўнамоцтвы сенатара, каб пайсці на вайну ва Украіне, піша «Медуза».
Фота: Савет Федэрацыі
Член Савета Федэрацыі ад Ніжагародскай вобласці Аляксандр Вайнберг датэрмінова склаў свае паўнамоцтвы «ў сувязі з асабістым рашэннем адправіцца на СВА».
Учора кіраўнік камітэта па рэгламенце СФ Вячаслаў Цімчанка таксама заявіў РБК, што рашэнне Вайнберга скласці паўнамоцтвы было асабістым, «ніхто да яго прэтэнзій не мае».
Аляксандр Вайнберг у 1990—1994 гадах быў гітарыстам гурта «Любэ». Ён прыйшоў у палітыку ў 2000-х, працаваў у заканадаўчым сходзе Ніжагародскай вобласці, а членам Савета Федэрацыі стаў у 2011 годзе. Паўнамоцтвы Вайнберга ў верхняй палаце парламента заканчваліся б у верасні 2026 года.
Каментары