Фота татуіроўкі, якую зрабіў сабе на «хіміі» палітвязень Юры Рубцоў, трапіла ў сацсеткі. Гомельскі актывіст абраў для тату надпіс «Лукашэнка, сыходзь», паведамляе Gazetaby.com.
Таксама стала вядома, што сёння Юрыя Рубцова вывезлі з ўстановы адкрытага тыпу №7 у Купліне Пружанскага раёна, дзе ён аддбывае пакаранне, у раённы аддзел Следчага камітэта ў Пружаны, нібыта для правядзення следчых дзеянняў. Пры гэтым Рубцова вывелі з тэрыторыі з асабістымі рэчамі, паведамляе spring96.org
Як паведаміў актывіст Леанід Кулакоў, нечаканымі сведкамі гэтага этапавання сталі сябры і паплечнікі палітзняволенага, якія прыехалі сёння з Менску, каб праведаць Рубцова і перадаць яму неабходныя рэчы і прадукты харчавання.
Зараз яны накіраваліся следам за міліцэйскім аўтамабілем у Пружаны, каб высветліць падрабязнасці выкліку Рубцова да следчых.
Праваабаронца Леанід Судаленка паведаміў, што супраць Юрыя Рубцова заведзена крымінальная справа па артыкуле 415 Крымінальнага кэдэксу (ухіленне ад адбыцця пакарання ў выглядзе пазбаўлення волі). Гэты артыкул прадугледжавае пазбаўленне волі тэрмінам на 3 гады.
***
Нагадаем, што 6 кастрычніка 2014 Юрыя Рубцова прысудзілі да «хіміі» на два з паловай гады (год адразу скарацілі па амністыі) за абразу суддзі Кірыла Палулеха. Праваабаронцы адзначалі, што судовы працэс праходзіў са шматлікімі парушэннямі, і сапраўднай прычынай прысуду стала палітычная актыўнасць Рубцова.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары