Улада66

Сяргей Калякін: Гэта выдумка! Ніхто не звяртаўся да мяне з прапановай падтрымаць «ЛНР» і «ДНР»

У апошнім нумары друкаванага органа КПБ «Камуніст Беларусі» змешчаны артыкул «Калякін і ДНР: ватнікі ўступаюць у «СС»? Аўтарам матэрыяла выступіў адказны сакратар газеты, малады літаратар Андрэй Лазуткін. І хоць у загалоўку змешчаны пытальнік, у самім матэрыяле ніякіх сумневаў у аўтара няма. Дарэчы, характэрная і назва рубрыкі «Лицо оппозиции».

Лазуткін абвінавачвае лідара Беларускай партыі левых «Справядлівы свет» Сяргея Калякіна ў тым, што ён забараняе сваім аднапартыйцам выказацца ў падтрымку самаабвешчаных «ДНР» і «ЛНР». Лазуткін гаворыць нават аб магчымым расколе ўнутры «Справядлівага свету».

Мы звязаліся з Сяргеем Калякіным, каб ён пракаментаваў гэты матэрыял у газеце «Камуніст Беларусі». «Выдумка. Ніхто з сяброў партыі не звяртаўся да мяне з прапановай падтрымаць «ДНР» і «ЛНР». А я,натуральна, не накладаў ніякае вета на абмеркаванне гэтай тэмы на пленумах».

Рэдактар сайта «Товарищ online» Дзмітрый Яненка кажа, што тэма Украіны неаднаразова абмяркоўвалася на пленумах «Справядлівага свету». «Усе, хто хацеў, той выказаўся па тэме, - кажа Яненка. – І тым больш ніякіх чыстак не плануецца».

У матэрыяле Лазуткіна сцвярджаецца, што «Справядлівы свет», у адрозненні ад КПБ, не зрабіў ніводнай заявы па сітуацыі ва Украіне, але гэта зусім не адпавядае праўдзе. «Партыя вітае як ўкраінскі суверэнітэт і палітычны кантроль ўкраінскага дзяржавы над усёй яе тэрыторыяй, так і прадастаўленне жыхарам асобных рэгіёнаў Украіны правы на самакіраванне ва ўмовах дэцэнтралізацыі ўлады і культурна-моўную самабытнасць », - выказваліся беларускія левыя ў сваёй заяве.

Была і яшчэ адна заява «Справядлівага свету» па Украіне. «Украінская трагедыя павінна стаць сур'ёзным урокам для беларускіх уладаў і грамадзян Беларусі. Імкненне вырашыць існуючыя ў краіне праблемы з дапамогай сілавых метадаў — гэта шлях да нацыянальнай катастрофы. Беларуская партыя левых «Справядлівы свет» выступае за тое, каб наспеўшыя ў Беларусі перамены адбыліся мірным шляхам», — падкрэслена ў заяве партыі.

Яшчэ адно абвінавачванне Лазуткіна грунтуецца на тым, што Калякін і кампаніі баяцца выказацца ў падтрымку Камуністычнай партыі Украіны. Але літаральна дзве пстрычкі ў google дазваляюць пераканацца, што гэта не так. Малаверагодна, што Лазуткін не ўмее карыстацца пошукавымі сістэмамі ў інтэрнэце.

«Безумоўна, гэта палітычнае рашэнне, абсалютна прававое, зробленае пад палітычную сітуацыю. Гэты выпадак кажа аб тым, што тыя, хто мае большасць у Вярхоўнай Радзе, хто кіруе Украінай, далёкія ад еўрапейскіх, дэмакратычных каштоўнасцяў, да якіх яны так імкнуцца», — гаварылася ў заяве Калякіна з нагоды роспуску фракцыі КПУ ў Вярхоўнай Радзе Украіны. Пры гэтым варта нагадаць, што ў Калякіна і Сіманенкі не самыя цёплыя адносіны.

«У цэлым у партыі ёсць розныя меркаванні па падзеях ва Украіне, як і ў беларускім грамадстве, - кажа «НН» Сяргей Калякін. – Я не ведаю дзеля чаго з’явіўся гэты матэрыял. Магчыма, гэта такі званочак перад прэзідэнцкімі выбарамі. Хаця тэма Украіны даволі слізкая, таму нехта спрабуе зарабіць сабе ў гэтым пункты».

Каментары6

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць