Кенсінгтонскі палац назваў імя нованароджанай прынцэсы кембрыджскай. Дачка Кейт Мідлтан і прынца Уільяма атрымала патройнае імя Шарлота Лізавета Дыяна, паведамляе Agence France-Presse.
Яшчэ задоўга да нараджэння прынцэсы букмекеры прымалі стаўкі на яе імя. Імя Шарлота разглядалася ў якасці аднаго з фаварытаў. Імя Лізавета прынцэса атрымала ў гонар прабабулі, Дыяна — у гонар бабулі, маці прынца Уільяма. Імя для дачкі Кейт і Уільям прыдумалі раней, аднак грамадскасць даведалася пра яго толькі пасля таго, як яно было абвешчана Лізавеце II.
Раней стала вядома, што ў Вялікабрытаніі адчаканеныя 10 тысяч залатых і срэбных манет у гонар нованароджанай прынцэсы. Дызайн манет ужо ўхваліла каралева Лізавета II і міністр фінансаў.
Дзяўчынка нарадзілася ў сям'і герцага і герцагіні Кембрыджскіх раніцай 2 мая. Яна будзе насіць тытул прынцэсы кембрыджскай і зойме чацвёртае месца ў чарзе на брытанскі трон пасля дзеда, бацькі і брата.
Апошнія дні ўся ўвага Вялікабрытаніі аддавалася нованароджанай прынцэсе. Кейт Мідлтан уразіла брытанцаў і ўвесь свет, з'явіўшыся на публіцы з дзіцем на руках праз некалькі гадзін пасля родаў. Выглядала пры гэтым маладая мама асляпляльна. Жанчыны дзівіліся, як ёй гэта ўдалося, а скептыкі сцвярджалі, што Кейт на самай справе нарадзіла за некалькі дзён да абвяшчэння аб нараджэнні дачкі.
У гонар нараджэння дзяўчынкі знакамітыя лонданскія славутасці — Таўэрскi мост, Трафальгарская плошча і кола агляду London Eye — увечары ў суботу былі падсвечаныя ружовымі агнямі.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары