У Клічаўскім раёне мужчына сабраў за дзве гадзіны 15 кілаграмаў лісічак ФОТАФАКТ
Жыхар Магілёўшчыны Аляксандр Ганчароў адправіўся ў добра знаёмыя яму мясціны ў Клічаўскім раёне. Паездка аказалася вельмі ўдалай: усяго за дзве гадзіны мужчына сабраў пад 15 кілаграмаў лісічак, піша «МогилевОнлайн».
Па словах грыбніка, у лес ён пайшоў пасля працоўнага дня і дажджу — менавіта такія ўмовы спрыяюць добраму росту грыбоў. Пакуль многія пасля працы адпачывалі дома, ён паспеў вярнуцца дахаты з поўнымі кошыкамі.
Ураджай быў настолькі вялікім, што для яго мыцця Аляксандр выкарыстаў цэлую ванну. А на гатаванне такой колькасці грыбоў яму, відавочна, давядзецца выдаткаваць яшчэ нямала часу.
Каментары